North by Northwest | |
---|---|
Títol | North by Northwest |
![]() Póster orichinal d'a cinta. | |
Ficha tecnica | |
Dirección | Alfred Hitchcock |
Dirección artistica | William A. Horning Merrill Pye |
Producción | Alfred Hitchcock |
Disenyo de producción | Robert F. Boyle |
Guión orichinal | Ernest Lehman |
Musica | Bernard Herrmann |
Fotografía | Robert Burks |
Montache | George Tomasini |
Maquillache | John Truwe |
Efectos especials | A. Arnold Gillespie Lee LeBlanc |
Actors | Cary Grant Eva Marie Saint James Mason Jessie Royce Landis Leo G. Carroll Martin Landau |
Color | Technicolor |
Datos y cifras | |
País(es) | Estaus Unius |
Anyo | 1959 |
Debantadera | 1 de chulio de 1959 ![]() |
Chenero(s) | Cine d'intriga Cine d'espionache |
Durada | 136 min. |
Idioma(s) | Anglés |
Companyías | |
Productora(s) | Metro-Goldwyn-Mayer |
Distribución | Metro-Goldwyn-Mayer |
Presupuesto | 4,3 millons de dólars |
Recauto | 9,8 millons de dólars |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
North by Northwest (títol orichinal en anglés, en aragonés Norte ta norueste, enguerada en Aragón con o títol en castellano de Con la muerte en los talones, Con a muerte en o calcanyar en aragonés) ye una cinta de cine estausunidense de cine d'intriga y cine d'espionache de l'anyo 1959 dirichida por Alfred Hitchcock seguntes un guión orichinal d'Ernest Lehman, con una Banda Sonora Orichinal de Bernard Herrmann, una dirección de fotografía de Robert Burks, producida por o mesmo Alfred Hitchcock ta la productora cinematografica Metro-Goldwyn-Mayer y protagonizada por os actors Cary Grant, Eva Marie Saint, James Mason, Jessie Royce Landis, Leo G. Carroll y Martin Landau.
L'autor d'o guión, Ernest Lehman, quereba escribir lo guión ta "una cinta de Hitchcock que rematase con todas as cintas de Hitchcock".[2] La cinta conta la historia d'un hombre corrient a qui, por una error, una misteriosa organización d'espías confunde con uno d'os suyos perseguidors y ta acabar con él lo persigue a traviés de todo lo país. Fa parte d'a lista de cintas consideradas as millors. En l'anyo 1995 la Biblioteca d'o Congreso d'Estaus Unius la seleccionó ta la suya conservación en o National Film Registry (Archivo Nacional de Cintas) en estar considerada "culturalment, historica u estetica significativa". Entre d'atros premios, recibió tres nominacions a los Premios Oscar: Millor Montache (George Tomasini), Millor Disenyo de Producción (William A. Horning, Robert F. Boyle, Merrill Pye, Henry Grace y Frank R. McKelvy) y Millor Guión Orichinal (Ernest Lehman). Ambientada en Chicago, Nueva York, Dakota d'o Sud y Indiana mientres os anyos 1950, la cinta se rodó en ixos mesmos puestos (excepto Indiana), amás d'os estudios d'a productora Metro-Goldwyn-Mayer en California a on se construyó la replica d'o mont Rushmore en no dixar-lis filmar-ie.